رواية بريئة احيتلى قلبى الفصل الثامن عشر 18 - بقلم اية جمال
(((بريئة احيتلي قلبي )))
(((الحلقة الثامنة عشر)))
في فندق فخم جدا في إيطاليا . مراد وسجي قاعدين بيتغدوا .
مراد :هاه يا حبيبتي ايه رأيك في إيطاليا . عجبتك .
سجي :جدا دي تحفة بجد جميلة اوي .
مراد :سجي انا اسف علي اللي حصلك بسببي . صدقيني انا لو كنت اقدر اقتله بدل المرة الف كنت قتلتله .
سجي :ماتفكرنيش يا مراد. ده كان انسان فظيع . ربنا يرحموا بقي . انا مش عارفة انت قتلته ازاي . انا عارفة انه يستاهل بس دي روح صعب اوي ان الواحد يتشجع ويعمل كدة .
مراد :ده كلب ولا يسوي . اهو غار في داهية . المهم انتي ماتكنويش زعلانة مني .
سجي :عمري ما ازعل منك . انت حبيبي . مش حتقولي بقي ايه الشغل اللي انت جايلوا هنا .
مراد :وبعدين انتي مبتزهقبش من قبل ما نسافر وانتي حتومتي وتعرفي . حبيبتي الشغل ده خطر واي معلومة ممكن تعرفيها فيها خطر عليكي .
سجي :قلقت وخافت . ليه يا مراد هو ايه الشغل ده . وليه لما هو خطر كدة انت بتشتغلوا.
مراد :ده شغلي الخاص انا والزفت ياسر قبل ما يموت . بس انا مش عايز اشغلك .
سجي :ارجوك يا مراد قولي انا كدة قلقت .
مراد :اتنهد . حقولك . انا جاي اخلص ثفقة سلاح .
سجي :اتصدمت . سلاح !! وطبعا دي ثفقة مش قانونية .
مراد :انتي حتعملي عليا محامية من اولها .
سجي :مراد انا بتكلم جد . ليه تعمل كدة انت عارف كام انسان بيموت بسببك وبسبب السلاح اللي بتدخلوا البلد. عارف كام ارهابي بيقتل ناس بريئة بالسلاح ده . ليه يا مراد
مراد :سجي انتي مكبرة الموضوع . انا مالي انا بدخلوا وهما اللي بيشتروه . وبيعمله بيه اللي هما عايزينوا . انا داخلي ايه .
سجي :داخلك ان انت اللي جبته وسهلتلهم الطريق . تعرف انت اخدت ذنب كام واحد قتل بالسلاح ده كل واحد قتل بيه اواغتصب بيه اوسرق بيه انت واخدت الذنب زيه بالظبط
مراد :اندهش . وانا مالي انا حتحاسب بجريمهم ليه .
سجي :انت عارف قابيل لما قتل هابيل . كان اول واحد يسن سنة القتل في الارض وعلشان كدة ربنا حمله وزر كل واحد قتل من يومها الي قيام الساعة . يعني انت شلت ذنب كل اللي استخدموا السلاح ده .
مراد :معقول . انا مكنتش متخيل ان الموضوع كبير كدة . اومال لو عرفتي ان ياسر قبل ما يموت كان متمم ثفقة ادوية مخدرة جاية من الصين . والمفروض توصل كمان شهر .
سجي :مش ممكن معقول يا مراد سلاح ومخدرات . انا مش مصدقة ليه حرام عليكم . انتوا بتضيعوا جيل بحالوا غير الكبار كمان ليه . انا اتخدعت فيك يا مراد كنت فكراك قاسي ومغرور وبس لكن طلعت كمان.. ...
مراد :طلعت ايه ماتكملي . طلعت مجرم صح مش انتي عايزة تقولي كدة
سجي :بتعيط . ايوة ومش مصدقة انت تعمل كدة ناقصك ايه . طول عمرك ابن ناس ومرتاح وغني وعندك شركات باباك . ليه ناقصك ايه .
مراد :تعرفي انا اول مرة اشوف الموضوع كدة .
سجي :اومال شايفه ازاي . مراد انا حبيتك وعمري ما حبيت غيرك . بس لو ناوي تكمل في السكة دي يبقي تنساني انا خرج من حياتك وتطلقني .
مراد :لا سجي اوعي تقولي كدة انا مقدرش استغني عنك . بس الموضوع مش بالسهولة دي . دول مافيا واي حركة مش محسوبة معاهم ممكن يكون قصدها حياتي او حياة اي حد قريب مني .
سجي :طيب سيبلهم الفلوس وخلاص وماتخدش منهم حاجة وقلوهم انك خلاص مش حتاجر في الحاجات دي تاني .
مراد :يا سجي الحكاية مش فلوس هما واخدين فلوسهم كاملة بس دي ناس مش حتسمح ان حد يدخل وسطهم ويخرج كدة بسهولة . صعب كمان انا اعرف عنهم كتير ومين رجالتهم في كل بلد يعني الموضوع مش هزار
سجي :انت وجعت قلبي ليه بس انا كدة خوفت عليك . مراد ارجوك تعالي نرجع مصر انا خايفة عليك. اوي
مراد :ماتخفيش . انا ححاول اتصرف واشوف حقدر اعمل ايه . بس اللي لازم تكوني متأكدة منه اني خلاص مش حتاجر في الحاجات دي تاني وكمان حوقف ثفقة الادوية . المهم اوعي تفكري انك تبعدي عني انا من غيرك كنت ضايع يا سجي . انا علي قد ما انا اكبر منك بكتير . بس بحس اوقات انك امي اللي اتمنيتها تحبني وتنصحني وتخاف عليا . انتي علمتيني ازاي اكون انسان بجد انا كنت فعلا اي شئ غير اني بني آدم .
سجي انا عمري ما حسيت ان فيه حد همه مصلحتي ولا بيخاف عليا . طول عمري لوحدي . علشان خاطري اوعي
اوعي تسبيني فاهمة .
سجي : مش حسيبك والله حفضل جنبك وان شاء الله ربنا حيكون معانا انت حتمنع جرايم وكوارس ممكن تحصل بسبب الحاجات دي . وربنا حيساعدنا انت بس خاليك واثق فيا اني حفضل جنبك ومش حسيبك . مهما حصل .
مراد :مسك ايدها وباسها . عارفة انا اوقات بحس انك ملاك ربنا بعتهولي من السما علشان يفوقني ويرجعني عن المتاهة اللي كنت فيها . سجي انتي أحيتي قلبي من جديد بعد ماكان خلاص مات . انا بحبك بحبك اوي .
انتي فعلا بريئة احيتلي قلبي
سجي :ابتسمت حبيبي ربنا ما يحرمني منك ابدا. ايه ده ..
مش معقول بص مين جاي علينا .
مراد :بيبص. مازن . يا بن اللذين انت ايه اللي جابك هنا .
مازن :يعني انتوا تبقوا في ايطاليا وانا في المانيا ومجيش اشوفكوا
مراد :ههههههه ده علي اساس ان المانيا دي في الشارع اللي ورانا .
مازن :اعمل ايه بس وحشتوني .
سجي :احنا بس . ولا في حد تاني . طب كنت قولي وانا اجبها معايا
مازن :ههههههن كشفاني انتي يا مرات اخويا .
مراد :هو انا شفاف بينكم ولا حاجة . في ايه انا مش فاهم بتتكلموا علي ايه .
سجي :هههههه ودي تيجي بردوا يا حبيبي. بس الموضوع .. هاه اقول انا ولا تقول انت يا استاذ مازن
مازن :لا قولي انتي ما انتي خلاص عملالنا فيها البيج بوس .
مراد : والله حقوم ارزعكم قلمين انتوا الاتنين لو ماتكلمتوا في ايه انا بدات اغير .
مازن :تغير مني انا دي سجي دي حبيبتي
مراد :ولا اتلم مين دي اللي حبيبتك .
سجي :باااس باااس اهدي انا حفهمك . اصل الاستاذ والهانم نهي كانوا مظبطين مع بعض طول الشهر ونص اللي كان قاعد فيهم في مصر ومن ساعت ماسافر مقضينها حب وتليفونات ونت وكدة
مراد :يا ابن اللعيبة كدة وتخبي علي اخوك طب قولي ده انا افرحلك
مازن :والله كنت حقولك بس كنت مستني اتاكد من مشاعري انا وهي
مراد :وانتي يا سوسة علي راي نهي مقولتليش ليه .
سجي :ههههههه مقبولة منك . بس والله انا كنت حاسة بس مش متاكدة .
ولما سافرت اسكندرية. وقعدت الشهر ده هناك . نهي حاكتلي علي كل حاجة . وانت شوفت ايه اللي حصل من ساعت مارجعت ماجتش فرصة احكيلك .
مراد :امممم طيب وايه ناوين تقضوها كدة حب ولا ايه مفيش خطوبة ولا حاجة . اعمل حسابك نهي دي زي اختي يعني انسي انك تلعب بديلك ساعتها انا اللي حقفلك مش ابوها. انت فاهم .
مازن :العب ايه بس دي مربياني ومعلماني الادب . كل كلمة معاها بحساب ..
مراد :ههههه ايوة يا خويا ماانا عارف . دي سجي كانت هارياني ومطلعة عيني . بس معلش . اوعدك انك حتنبسط في الاخر . هما يستاهلوا بصراحة الاتنين يتاكلوا اكل .
سجي :يا سلام انت حتعاكس اختي قدامي والله اموتك . انا بغير.
مراد :حبيبي هو انا اقدر بردوا . ده انا عيني مشفتش احلي ولا اجمل منك .
مازن :انا ايه اللي جابني بس . جيت علشان تقهروني وانتوا قاعدين تحبه في بعض . وانا قاعد كدة أونلي.
مراد :قر بقي الله يخربيتك ده طلعت روحي عي بال ما وصلت للمرحلة دي.
سجي :سلامة روحك يا حبيبي. يا رب انا .
مازن :طيب والله ما قاعدلكم انا طالع أوضتي اشوفكم بالليل .
مراد وسجي :ههههههههههه
بالليل في أوضة مراد وسجي
مراد في الحمام بياخد حمام . وسجي واقفة قدام شباك ازاز كبير وسرحانة ومشغلة الاب توب وبتسمع الاغنيه دي (علي بالي لشيرين )(حبيتو بيني وبين نفسي . ومقولتلوش علي اللي في نفسي . معرفش ايه بيحصلي لما بشوف عنيه . مبقتش عارفة اقوله ايه. معرفش ليه خبيت عليه . بضعف قوي وانا جنبه وبسلم عليه . كل حب الدنيا ديا في قلبي ليك . ده انت اغلي الناس عليا روحي فيك . ده انت لو قدام عنيا اشتاق اليك . علي بالي ولا انت داري باللي جرالي . والليالي سنين طويلة سيبتهالي . يا انشغالي بكل كلمة قولتهالي . الكلام لو كان يعبر عالحنان كنت قولت اني بحبك من زمان . كل يوم الشوق بيكبر عليا بان . علي بالي ولا انت داري باللي جرالي )
مراد خرج من الحمام . راح لسجي وحاوطها بايده وحضنها وباسها من خدها .
مراد :حبيبي سرحان في ايه . وايه الاغنية الحلوة. دي
سجي : الاغنية دي انا بحبها اوي . تقريبا مكنتش بسمع غيرها الفترة اللي فاتت .
مراد :امممم ويتري بقي مين ده اللي علي بالك ومش داري .
سجي :مش عارف
مراد :تؤتؤتؤ مش عارف .
سجي :مع اني عارفة انك بتكدب وعارف كويس هو مين . بس انا حقولك . انت يا مراد انا بحبك اوي
مراد :وهو بيشيل شعرها من علي خدها . تعرفي . انا كل يوم كنت بسمعك وانتي مشغلاها بالليل . وكنت بتمني انك تكوني تقصديني انا .
سجي :بجد ازاي انا كنت ببقي مشغلة التليفون جنبي علي السرير وموطية الصوت . كنت بتسمع ازاي
مراد :بقلبي كنت بسمعك واشوفك بقلبي.
سجي : تعرف كمان بحب اغنية . انا كلي ملكك. لشيرين وكان نفسي ارقص عليها معاك لو كنا اتجوزنا وعملنا فرح قدام الناس كلها علشان اقول لكل الناس . انا قد ايه بحبك .
مراد :يا حبيبة قلبي . معقول انا استاهل الحب ده كله . انا اسف يا سجي اني حرمتك من احلي يوم بتتمناه كل بنت . بس اوعدك اول ما نرجع مصر حعوضك عن كل حاجة .
سجي :بحبك يا مراد
مراد :ابوس ايدك انا مش قادر مش مستحمل ابعد اكتر من كدة . بس غصب عني .
سجي : حضنت مراد . انا مش عايزة حاجة غير اني اكون في حضنك وبس
مراد :حضها اوووويييي . تعالي ننام علشان من بكرة حلففك ايطاليا كلها معاكي الاسبوع ده عايز افسحك علي قد ما اقدر قبل ما اقابل زين .
سجي :ليه بتقول كدة
مراد :اتنهد . يعني علشان لو مت ولا حاجة ابقي فسحتك
سجي :مراد انت حتقلقني ليه . انت لو حصلك حاجة عمري ما حسامح نفسي . علشان انا السبب انا اللي خيرتك بيني وبينهم .
مراد :ماتخفيش . ادعيلي انتي بس انتي اقرب لربنا مني وبتصلي من زمان . يمكن ربنا ينجيني منهم .
سجي كانت خايفة علي مراد . ومراد كان خايف علي سجي انها تتأذي بسببه . وقضوا اسبوع ومراد فسح سجي في ايطاليا كلها وكانوا مبسوطين بس كل واحد كان من جواه خايف وقلقان علي التاني .
لحد ما جه اليوم اللي مراد كان مأجله وخايف منه . اليوم اللي حيقابل مراد فيه زين .
بس ياتري مين اللي حتأذي مراد ولا سجي ولا مازن . الله اعلم
🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩
• تابع الفصل التالى " رواية بريئة احيتلى قلبى " اضغط على اسم الرواية
تعليقات
إرسال تعليق